توێژینه‌وه‌ .. ئاو خواردن به‌رله‌نان خواردن ده‌بێته‌ هۆى دابه‌زراندنى كێشى له‌ش 
توێژینه‌وه‌یه‌كى نوىَ كه‌به‌م دواییه‌ ئه‌نجام دراوه‌ ئاشكراى كردووه‌ كه‌ خواردنه‌وه‌ى 

دوو یان سىَ كوپا ئاو به‌رله‌نان خواردن ده‌بێته‌ هۆى هێنانه‌ خواره‌وه‌ى كێشى مرۆڤ 

به‌شێوه‌یه‌كى خێرا. له‌مباره‌یه‌وه‌ (بریندا دیڤى) مامۆستاى یاریده‌ده‌ر له‌به‌شى 

خواردن و رِاهێنانى جه‌سته‌یى له‌زانكۆى (ڤێرجینیا ته‌ك) له‌میانه‌ى ئه‌نجامدانى 

توێژینه‌وه‌یه‌ك ئاماژه‌ى به‌وه‌داوه‌ كه‌ خواردنه‌وه‌ى 2 یان 3 كوپ ئاو به‌رله‌نان خواردن 

ده‌بێته‌ هۆى هێنانه‌ خواره‌وه‌ى كێشى مرۆڤ به‌شێوه‌یه‌كى خێرا.له‌سه‌رێكى 

تره‌وه‌ (مێلینا جامبۆس) پسپۆرى بوارى خوارده‌مه‌نى و رِاهێنان رِایگه‌یاندووه‌: ئه‌و 

توێژینه‌وه‌یه‌ ئه‌وه‌ى سه‌لماندووه‌ كه‌ خواردنه‌وه‌ى ئاو به‌رله‌نان خواردن ده‌بێته‌ هۆى 

دابه‌زاندنى كێشى له‌ش.ئه‌و پسپۆره‌ى بوارى خوارده‌مه‌نى رِاشیگه‌یاندووه‌: به‌هیچ 

شێوه‌یه‌ك مرۆڤ ناتوانێت برسى بێت و تینۆ بێت، بۆیه‌ ئه‌گه‌ر ئاوى نه‌خوارده‌وه‌ ئه‌وا 

زۆر نان ده‌خوات به‌مه‌ش كێشى له‌شى زیاد ده‌كات.(جامبۆلس) ى پسپۆرى 

تایبه‌تمه‌ند ئه‌وه‌شى باس كردووه‌ كه‌ پێویسته‌ له‌سه‌ر كه‌سانى قه‌ڵه‌و زۆرتر ئه‌و 

خواردنانه‌ بخۆن كه‌به‌ ئاو دروست ده‌كرێت، وه‌كو شۆرباو میوه‌جات و شیره‌مه‌نى.

هه‌روه‌ها ناوبراو ووتیشى: پێویسته‌ كه‌سانى  قه‌ڵه‌و زیاد له‌سنوورى پێویست ئاو 

نه‌خۆنه‌وه‌ چونكه‌ ده‌بێته‌ هۆى كه‌مبوونه‌وه‌ى سۆدیۆم له‌له‌شى مرۆڤ ئه‌وه‌ش چه‌ند 

جۆره‌ نه‌خۆشییه‌كى لێده‌كه‌وێته‌وه‌.